نقيب شرطة لضباط التعذيب: هو لازم لما تقبض على متهم تضربه.. أنتوا عار وكرهتوا الناس فينا
النقيب فادي جاد
في واقعة فريدة .. عاتب ضابط شرطة برتبة نقيب زملائه الضباط المتهمين بالتعذيب خلال الأسبوع الماضي، قائلا " أنتو كرهتوا الناس فينا وخسرتونا اصحابنا واخواتنا ومش عارفين نتكلم مع حد بسببكوا.
وأضاف النقيب فادي جاد حسابه على موقع التواصل الاجتماعي "فيس بوك"، هو لازم لما تقبض متهم بأي تهمة تضربه إحنا أتعلمنا إننا جهة جمع استدلالات، حرام الناس إلى ماتت حتى لو كانوا متهمين هنقول لربنا أيه، والله انتو بتضيعوا تعبنا هدر، وبنتشتم ونتهان بسببكوا، والله منكم لله أنت عار علينا وعلى جهاز الشرطة.
وإلى نص التدوينة:
تعقيباً على الكام واقعة ألى حصلوا الأسبوع دة من بعض الأفراد من جهاز الشرطة والمنتمين إلينا بالغلط ..هو سؤال بسيط لزملائى دول بجد ..هو لازم لما تقبض على متهم بمخدرات أو بأى تهمة لازم تضربه هو أنت أبوه علشان تربيه ..أنت مالك انا مش قادر أفهمكوا بجد والله ( هو إحنا مش درسنا فى الكلية إن إحنا جهة جمع إستدلالات فقط) أنتوا عايزين مننا إية بجد ..أنتوا كرهتوا الناس فينا وخاسرتونا إصحبنا وإخوتنا مش عارفين نتكلم مع حد بسببكوا ...والله حرام إخوتنا ألى ماتوا فى مأموريات إحنا بنسئ ليهم وهما فى تربتهم وبنتشتم ونتهان رغم أن إحنا طفحين الدم كل يوم وناس كتير بتتبهدل فى كل حته فى البلد وأنت بضيعوا تعبنا هدر ..والله منكم لله أنت عار علينا وعار على جهاز الشرطة كله دة فى ظباط وعساكر مش بتنام وبيضرب عليهم نار كل ثانية .. إنتوا بتحطوا الوزارة كل يوم فى حرج قدام الشعب كله ..الحجج كلها خلصت عليكوا بس والله حرام عليكوا إتقوا ربنا فينا وفى البدلة ألى لبسينها وفى الناس ..حرام الناس ألى ماتت حتى لو كانوا متهمين فعلاً ..هنقول لربنا إية.
المصدر:البديل